Article on other languages:
Nu Stub è n'artìculu abbuzzatu. Troppu curtu pi fari parti dâ nciclupedìa, veni classificatu di sta manera e appari cu na scritta chi lu qualìfica comu tali.
Ìndici |
Riguletti chi s'avìssiru a applicari
- Si la vuci cunteni sulu una lìnia è certamenti nu stub.
- Si la vuci cunteni paràgrafi vacanti s'havi a qualificari comu nu stub.
- Si na vuci di data o d'annu nun cunteni nenti, è nu stub. Sti vuci cèssanu d'èssiri stub quannu tutti e tri li paràgrafi "abbinimenti, nati, morti" cuntennu armenu na lìnia.
Cunnizzioni pi nun èssiri stub
Siddu n'articulu cunteni picca nfurmazzioni, pò essiri qualificatu comu normali (non-stub) a sti cunnizzioni:
- L'articulu duna na furmulazzioni cuirenti (puru si minimali) dâ vuci 'n quistioni, 'n particulari senza paragrafi vacanti.
- Li liami nterwiki sunnu attivati
- L'articulu è catigurizzatu
- Siddu si tratta di na vuci cu nu liami â quarchi cosa di visìbbili (pi esempiu na cosa, na cità), è nicissaria na mmàggini.
Lista di stub
Circa 30% di l'articuli dâ wikipedia siciliana sunnu stub (dati dâ mità 2008). Nti àutri wikipedi sta pricintuali pò agghicari a 50% (pi esempiu la wikipedia ngrisi). Na lista di stub si pò truvari ntâ pàggina didicata.
Pirchì mantèniri li stub?
Li stub s'hannu a mantèniri puru siddu la nfurmazzioni nun è cumpleta. Nfatti li stub pònnu essiri distinati a ntigrari nu pruggettu a loncu termini (comu pi esempiu li cumuna italiani, o li dati) e sunnu distinati percò a essiri cumpritati puru siddu lu tempu nicissariu pò essiri stimatu a quarchi annu.
